12px13px15px17px
Tarix:22/07/15

Rasim Əliquliyev Hesablama Texnikası Assosiasiyasının əməkdar üzvü seçilib

Azərbaycan Milli Elmlər Akademiyasının (AMEA) akademik-katibi, İnformasiya Texnologiyaları İnstitutunun direktoru, akademik Rasim Əliquliyev Hesablama Texnikası Assosiasiyasının (Association for Computing Machinery – ACM) əməkdar üzvü seçilib.
 

AMEA-dan bildirilib ki, ACM-in üzvlərinin 25 faizini təşkil edən əməkdar üzvlüyə iş təcrübəsi ən azı 10 il, davamlı peşəkar üzvlüyü beş il olan, yüksək elmi nailiyyətləri ilə fərqlənən üzvlər seçilirlər.
 

1947-ci ildə əsası qoyulmuş ACM dünyanın kompyuter mühəndisliyi, kompyuter elmləri üzrə mütəxəssisləri birləşdirən, hesablama texnologiyalarının inkişafına dəstək verən, İKT üzrə mütəxəssislərin formalaşmasına kömək edən ən böyük elm və təhsil cəmiyyəti hesab olunur. ACM cəmiyyət üzvlərinə kollektiv fikir yürütmək, məlumatları paylaşmaq, mühüm problemləri araşdırmaq, idarəçilik kimi qabiliyyətləri aşılayır, cəmiyyət üzvlərinin şəxsi inkişafına, uğurlu karyera qurmasına dəstək olur, professional şəbəkə imkanları təmin etməklə üzvlərinin özünüinkişafına şərait yaradır.





Baxış sayı: 327

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






27 May 2020

26 05 2020