12px13px15px17px
Tarix:16/09/15

“HP” əlavə 30 min iş yerini ixtisar edəcək

ABŞ-ın “Hewlett-Packard” (HP) şirkəti yenidən iş yerlərinin ixtisarını aparacaq.
 
Aparılan əməliyyatlar noyabrın 1-dən iki ayrı-ayrı şirkət arasında bölünəcək. Onlardan biri fərdi kompüter və printerlərin istehsalı, digəri korporativ serverlərin buraxılışı və xidmətlərin göstərilməsi ilə məşğul olacaq.
 
Bildirilir ki, fərdi kompüter və printerlərin istehsalı (HP Inc.) üzrə biznesə şirkətin vitse-prezidenti Dayon Vaysler rəhbərlik edəcək. “Hewlett-Packard Enterprise” adlanacaq ikinci şirkət “HP”-in hazırkı icraçı direktor Meq Uitmenin rəhbərliyi altında fəaliyyətini davam etdirəcək.
 
Çərşənbə axşamı analitiklərlə keçirilən görüş zamanı “Hewlett-Packard Enterprise” şirkətində 25-30 min iş yerinin ixtisar edilməsi ilə bağlı planlar açıqlanıb. Həmçinin “HP Inc.” şirkətində 3 ildə 3,3 min iş yerinin azaldılacağı qeyd olunub.
 
İş yerlərinin ixtisarı şirkətin illik xərclərinin 2,7 milyard dollar azaldılması, eləcə də hər iki bölmənin rəqabət qabiliyyətinin yaxşılaşdırılması üzrə planın tərkib hissəsidir.
 
Hazırda “HP”-nin əməkdaşlarının ştatı 300 min nəfər təşkil edir, - "Intefaxyazır.



Baxış sayı: 258

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






27 May 2020

26 05 2020