12px13px15px17px
Tarix:25/05/18

“Elektron imza və etibarlı xidmətlər: hüquqi və texniki bazanın təkmilləşdirilməsi” müzakirə olunub

Nəqliyyat, Rabitə və Yüksək Texnologiyalar Nazirliyi (NRYTN) və Avropa İttifaqının (Aİ) birgə həyata keçirdiyi "Azərbaycan Respublikasında elektron xidmətlərin və elektron ticarətin inkişafının gücləndirilməsi" layihəsi çərçivəsində 25 may 2018-ci il tarixində beynəlxalq ekspertlərin iştirakı ilə "Elektron imza və etibarlı xidmətlər: hüquqi və texniki bazanın təkmilləşdirilməsi" mövzusunda seminar keçirilib.

Tədbirdə NRYTN-in İnformasiya cəmiyyətinin və elektron idarəçiliyin innovativ inkişafi şöbəsinin müdiri Rəşad Əzizov çıxış edərək bildirib ki, Azərbaycanda milli açıq açar infrastrukturunun texniki və hüquqi bazasının təkmilləşdirilməsi və Avropa İttifaqının standartlarına uyğunlaşdırılması məqsədilə belə görüşlərin keçirilməsi olduqca faydalıdır.

O, "Elektron imza", o cümlədən "ASAN imza" sertifikatlarının ölkələrarası qarşılıqlı tanınmasının təmin edilməsi və hüquqi bazanın təkmilləşdirilməsi ilə bağlı ölkə başçısının müvafiq fərmanları olduğunu diqqətə çatdırıb. R.Əzizov bu istiqamətdə tapşırıq və tövsiyələrə uyğun olaraq zəruri işlərin görüldüyünü də qeyd edib.

NRYTN-in Məlumat Hesablama Mərkəzinin direktoru Elnar Əsədov bildirib ki, Avropa Komissiyasının TAIEX (Texniki Yardım və İnformasiya Mübadiləsi) proqramının ekspertləri ilə yaradılan işçi qrupu tərəfindən elektron identifikasiya və etibarlı xidmətlər üzrə ölkəmizdə olan mövcud vəziyyət araşdırılıb və Avropa standartları nöqteyi-nəzərindən təhlil edilib.

O qeyd edib ki, ölkələrarası elektron imzaların qarşılıqlı tanınması üçün hüquqi və texniki bazanın təkmilləşdirilməsi vacib məsələlərdəndir.

"Azərbaycan Respublikası Prezidentinin müvafiq Fərmanının icrası üzrə ölkəmiz Birləşmiş Millətlər Təşkilatının "Beynəlxalq müqavilələrdə elektron kommunikasiyaların istifadəsinə dair Konvensiya"sına qoşulub. Eyni zamanda, xarici ölkələrdə elektron imzanın qarşılıqlı tanınması məqsədilə 6 mart 2018-ci il tarixində Nəqliyyat, Rabitə və Yüksək Texnologiyalar Nazirliyi və Türkiyə Respublikasının Nəqliyyat, Dənizçilik və Rabitə Nazirliyi arasında elektron imza sahəsində əməkdaşlıq haqqında Anlaşma Memorandumu imzalanıb. Bu sənədə əsasən, artıq iki dövlət arasında elektron imzanın qarşılıqlı tanınması istiqamətində texniki işlərin aparılması üçün ekspertlər arasında dəyərləndirmə aparılır. Bir neçə ölkə ilə də danışıqlar davam etdirilir".

E.Əsədov, həmçinin qeyd edib ki, 2014-cü ildə, Avropa İttifaqının (Aİ) elektron imza qanunvericiliyi təkmilləşdirilərək eİDAS-lə (elektron identifikasiya və etibarlı xidmətlər) əvəzlənib.

Onun sözlərinə görə, hazırda Azərbaycanda mövcud olan "Elektron imza" qanunvericiliyi Avropa İttifaqının 1999-cu il tarixli direktivinə uyğundur və bu səbəbdən müvafiq sahə üzrə ölkəmizdə təkmilləşdirilmə işlərinin aparılmasına zərurət yaranıb.

İnformasiya Texnologiyalarının İnkişafı Dövlət Fondunun icraçı direktorunun müavini Azər Bayramov Nəqliyyat, Rabitə və Yüksək Texnologiyalar Nazirliyi və Avropa İttifaqının birgə həyata keçirdiyi "Azərbaycan Respublikasında elektron xidmətlərin və elektron ticarətin inkişafının gücləndirilməsi" layihəsi barədə məlumat verib. Avropa İttifaqı ekspertləri ilə əməkdaşlıq nəticəsində hazırlanan təkliflərin Avropa İttifaqının müvafiq standartlarına uyğunlaşdırılmasını sürətləndirəcəyini bildirib.
 
Daha sonra tədbir təqdimatlarla davam edib.
 
Avstriya Parlament Administrasiyasının İT şöbəsinin rəhbəri Piter Richsteder "eIDAS: Avropa İttifaqı səviyyəsində status-kvo və trendlər", Avstriya Elektron Hökumət İnnovasiya Mərkəzinin rəhbəri Arni Taubir "Mobil eID həlləri", Belçikanın "Transtec" şirkətinin layihə rəhbəri Olqa Dimain "Elektron imza üzrə milli qanunvericiliyin eIDAS ilə uyğunlaşdırılması – mövcud vəziyyət, inkişaf və perspektivlər" və "Şəxsi məlumatların qorunması üzrə Avropa İttifaqının yeni standartları", "Transtec" şirkətinin texniki eksperti Udo Linauer isə "eIDAS çərçivəsində etibarlı xidmətlər" mövzularında təqdimatlarını tədbir iştirakçılarının diqqətinə çatdırıb.

Çıxışçılar bildiriblər ki, elektron xidmətlər üzrə normativ-hüquqi bazanın və texniki infrastrukturun təkmilləşdirilməsi, xarici ölkələrlə elektron imzaların qarşılıqlı tanınması elektron sənədlərin təsdiqində vaxt qənaətinə və bürokratik əngəllərin aradan qaldırılmasına şərait yaradacaq.

Bu səbəbdən ölkədə, bilavasitə, Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzi tərəfindən həyata keçirilən layihələr təqdirəlayiqdir və işin sürətləndirilməsinə xidmət edir.
 
Seminar müzakirələrlə davam edib.











Baxış sayı: 9069

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






21 May 2019

21/05/19
“Starship” raketinin prototipləri hazırlanır

ABŞ-ın “SpaceX” şirkəti “Starship” raketinin Cənubi Texasda yerləşən zavodda 100 nəfərlik sərnişin tutu

21/05/19
Analitiklər “Əşyalar interneti” bazarında “5G” texnologiyasının tədricən tətbiqini proqnozlaşdırırlar

2019-cu ildə tərtibatçılara yeni “5G” standartını dəstəkləyən “IoT”-modullar əlçatan olacaq ki, bu da beşi

21/05/19
“Huawei” əməliyyat sisteminin adı məlum olub

Çinin “Huawei” şirkətinin əməliyyat sistemi “Hongmeng” adlanacaq.

21/05/19
Kondisioner və qızdırıcını əvəz edəcək daşınan cihaz təqdim edilib

Kaliforniya Universitetinin mühəndisləri qışın soyuğuna və yayın istisinə qarşı qeyri-adi mübarizə üsul

20 05 2019

20/05/19
“Google” istifadəçilərin satınalmasını izləyir?

“Google” istifadəçilər tərəfindən edilmiş satınalmalar haqqında informasiyanı yadda saxlayır. “CNBC”-nin

20/05/19
Cənubi Koreya hökuməti “Linux” sistemindən istifadəyə başlayacaq

Cənubi Koreya Daxili İşlər və Təhlükəsizlik Nazirliyinin nümayəndələri ölkə hökuməti tərəfindən istifad

20/05/19
Avropa İttifaqında kiberhücumlara sanksiyaların tətbiqi üçün mexanizm hazırlanıb

Avropa İttifaqında miqyaslı kiberhücumlara cavab olaraq sanksiyaların tətbiqinə imkan verən xüsusi mexan

20/05/19
Növbəti nəsil atom saatı yaradılır

ABŞ Milli Standartlar və Texnologiya İnstitutunun (NIST) mütəxəssisləri növbəti nəsil eksperimental atom

20/05/19
“Huawei” smartfonları “Android” sistemini dəstəkləməyəcək

“Google” şirkəti ABŞ Prezidenti Donald Trampın Çinin “Huawei” smartfon istehsalçısının avadanlığından

20/05/19
“Android” sisteminin hələ elan edilmiş versiyasında istifadəyə veriləcək yeni funksiya məlum olub

“Android” əməliyyat sisteminin hazırlanması üzrə məsul şəxs olan “Google” korporasiyasının vitse-prezid

20/05/19
Smartfonun tez sıradan çıxmasına səbəb olan vərdişlər açıqlanıb

Əksər hallarda istifadəçilərin öz hərəkəti smartfonun tez sıradan çıxmasına səbəb olur. Ekspertlər smar