İNTERNET

Tarix:12/07/12

Türkiyəli nazirlə azərbaycanlılar arasında birbaşa videoəlaqə yaradılıb

Türkiyə Respublikasının Əmək və sosial müdafiə naziri Faruk Çeliyin başçılıq etdiyi nümayəndə heyəti Azərbaycana rəsmi səfəri çərçivəsində Əmək və Əhalinin Sosial Müdafiəsi Nazirliyində yaradılmış şəraitlə, o cümlədən binada ölkənin müxtəlif bölgələri ilə distant videoəlaqə yaratmağa, yerlərdən məlumatları dərhal qəbul etməyə, paytaxta gəlmək imkanı olmayan vətəndaşların suallarını videoəlaqə vasitəsilə cavablandırmağa imkan verən VS (videokonfrans) sistemi ilə tanış olub.

“ICTnews” elektron xəbər xidmətinə bu barədə Əmək və Əhalinin Sosial Müdafiəsi Nazirliyindən məlumat verilib. Nazirlikdən bildirilib ki, videokonfrans zalında nazir Faruk Çeliklə bir sıra bölgələrin sakinləri arasında birbaşa videoəlaqə yaradılıb.

Daha sonra iki qardaş ölkənin nazirlikləri arasında əmək və sosial müdafiə sahəsində əməkdaşlıq üzrə Birgə Daimi Komissiyanın yeddinci iclası keçirilib. İclasda Birgə Daimi Komissiyanın 17 may 2010-cu il tarixdə Ankarada keçirilən altıncı iclasının Protokolunda təsbit olunmuş vəzifələr və bu vəzifələrlə əlaqədar görülən işlərin nəticələri müzakirə edilir. İclasın yekunlarına dair Protokol imzalanacaq.

HƏQİQƏT

Baxış sayı: 1336