TEXNOLOJİ YENİLİKLƏR

Tarix:12/02/13

75 dollarlıq kompüter

"Android 4.1.2 Jelly Bean" əməliyyat sistemi ilə işləyən "MK812" mikrokompüteri satışa çıxarılıb. "ICTnews.az" elektron xəbər xidməti "compulenta.ru" saytına istinadən bildirir ki, fləş-kart ölçüsündə olan qurğu "Cortex A9" arxitekturası və 1,6 QHs takt tezlikli ikinüvəli prosessorla təchiz olunub.

Əməli və daxili yaddaşın tutumu müvafiq olaraq 2 və 8 QB təşkil edir; çıxarıla bilən "MicroSD" kartları üçün slot mövcuddur. Mikrokompüter "Bluetooth 2.3" və "Wi-Fi" (802.11b/g/n) simsiz rabitə adapterləri ilə təchiz edilib, tədarük dəstinə xarici antena da daxildir. Həmçinin 2 meqapiksel təsvir ölçülü veb-kamera və mikrofon da var. Kompüteri monitor və ya televizora qoşmaq üçün "HDMI" rəqəmli interfeysi nəzərdə tutulub.

"MicroUSB" və "USB" portları mövcuddur. Ölçüsü 88×31,5×15,8 millimetr, çəkisi isə təxminən 50 qram təşkil edir. Qiyməti 75 dollardır.

Emil Hüseynov

Baxış sayı: 836