12px13px15px17px
Tarix:08/07/13

“Razer Blade 14”: bahalı, çox güclü oyun noutbuku

Klaviatura, “maus” və başqa periferiya qurğuları istehsal edən “Razer” şirkəti bu yaxınlarda öz noutbukunu istehsal edib. Sözügedən istehsalçı iyunun əvvəlində “Computex 2013” sərgisində qeymerləri güclü 14 düymlük noutbukla sevindirib və bu günlərdə o, satışa çıxarılıb.

Qeyd edək ki, sözügedən aparat ultrabukların əksəriyyətindən daha yığcamdır: onun qalınlığı 16,8 millimetr, çəkisi isə 1,88 kiloqram təşkil edir.

“Windows 8” əməliyyat sistemi (ƏS) ilə işləyən “Razer Blade 14” dördüncü nəsil dördnüvəli “Intel Core i7” (Haswell) prosessoru və "NVIDIA GeForce GTX 765M” qrafikası  (2 QB yaddaş) ilə təchiz edilib.

Ultrabuk 1600x900 təsvir ölçülü 14 düymlük ekran, 8 QB “DDR3-1600” tipli yaddaş, SSD yığıcı (128-512 QB) və 70 Vatt/saat tutumunda  litium-polimer batareya ilə təchiz edilib. Noutbukun yan hissələrində üç “USB 3.0” portu mövcuddur. Həmçinin “HDMI 1.4a” interfeysi, “Bluetooth 4.0” və “Wi-Fi” (802.11a/b/g/n) modulları, videoçat üçün 1,3 meqapiksellik kamera mövcuddur.

“SD” kartlar üçün slot, həmçinin “Ethernet” portu və optik qurğu mövcud deyil.

“CNET”-in əməkdaşı Skott Şteyn yeniliyin əsas çatışmazlığının onun ekranı ilə bağlı olduğunu deyib. Belə ki, aparatın ekranının təsvir ölçüsü 1600x900 piksel təşkil edir. Bu isə onun qiymətinə (1800 dollar) uyğun gəlmir. Bundan başqa, əsas konfiqurasiyada cəmisi 128 QB həcmində fləş-yaddaş əlçatandır. 15,4 düymlük “MacBook Pro” noutbukunun qiyməti 2200 dollardan yuxarı olsa da, lakin o, “Retina” ekran (2800x1800 nöqtə) və iki dəfə tutumlu yığıcı ilə təchiz edilib. Lakin “Apple”-ın leptopunda qrafika 1 QB təşkil edir. 256 QB həcmində disklə təchiz edilmiş “Razer” noutbukunun qiyməti 2 min dollar, 512 QB-la olan modelin qiyməti isə 2300 dollar təşkil edəcək.

“Razer Blade 14” noutbuku oyunlar üçün nəzərdə tutulub və işinin öhdəsindən çox yaxşı gəlir. Şteyndə “Bioshock Infinite” oyununda  yüksək sazlamalar zamanı saniyədə 36, orta sazlamalarda isə 62 kadr göstərilib. Onun keçirdiyi  sınaqlarda noutbuk 7 saat 46 dəqiqə müddətində avtonom işləyib.
 
Üstünlükləri:
  • Güclü aparat içliyi
  • Uzunmüddətli avtonom iş rejimi
  • Nəfis dizayn
Çatışmazlıqları:
  • SSD yığıcının həcminin az olması
  • Güclü isinə bilər
  • Ethernet portun olmaması
  • Ekranın təsvir ölçüsünün az olması
 
Emil Hüseynov
 
 



Baxış sayı: 529

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






30 May 2020

29 05 2020