12px13px15px17px
Tarix:13/11/13

“Pioneer” televiziya biznesini bərpa edir

Televizor istehsalını 3 il əvvəl dayandıran Yaponiyanın "Pioneer" şirkəti yenidən bu biznesə qayıtmaq niyyətindədir.

Belə ki, "Pioneer" və "Dixons" şirkətləri arasında imzalanan tərəfdaşlıq sazişinə əsasən, işıq diodlu və "Full HD" formatlı 40, 46 və 55 düymlü maye-kristal televizorlar istehsal olunacaq. Televizorların texniki xüsusiyyətləri arasında stereoskopik səs, simsiz  "Wi-Fi" şəbəkəsi, multimedia üçün 3 "HDMI" və "USB" çıxışının dəstəklənməsi qeyd edilir.

İlkin olaraq Skandinaviya ölkələrində, daha sonra Böyük Britaniyada bazara çıxarılacaq yeni televizorların satışına cari ilin dekabrında başlanacağı gözlənilir.

Şirkətin televiziya biznesinin coğrafiyasını genişləndirmək istəyi barədə məlumat verilmir. Bununla yanaşı, bu yaxınlarda "Panasonic" şirkətinin imtina etdiyi plazma modellərin istehsalı da sual altındadır.   

Son vaxtlar "Pioneer" diqqətini əsasən audio avadanlıq və avtomobil məhsullarına yönəldib. Şirkətin televiziya bazarına qayıtması əvvəllər "Kuro" brendli televizorlar alan alıcıları sevindirəcək, - "DailyComm www.dailycomm.ru" yazır.



Baxış sayı: 295

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






30 May 2020

29 05 2020