12px13px15px17px
Tarix:04/12/17

Ümumdünya internet konfransı işə başlayıb

Dekabrın 3-də Çinin Çjetszyan əyalətində dördüncü Ümumdünya internet konfransı (World Internet Conference) açılıb.  
 
“ICTnews” Elektron Xəbər Xidməti “Ria Novosti” resursuna istinadən yazır ki, dekabrın 5-dək davam edəcək konfransın əsas mövzuları süni intellekt, internet vasitəsilə yoxsulluqla mübarizə, yeni çağırışlar şəraitində internet kommunikasiyaları və sosial məsuliyyət, qlobal rəqəmli iqtisadiyyat, kiberməkan normaları, eləcə də kiberməkandan cinayətlərin və terror aktlarının törədilməsi üçün istifadənin qarşısının alınmasında beynəlxalq əməkdaşlıq kimi məsələlər olacaq.
 
Bu il konfransda dünyanın 80 ölkəsindən 1,5 min iştirakçı, o cümlədən “Alibaba” şirkətinin rəhbəri Cek Ma, “Apple” korporasiyasının rəhbəri Tim Kuk, internet yaradıcılarından biri Elliton Kan və “Kasperski laboratoriyası” antivirus şirkətinin rəhbəri Yevgeni Kasperski və digərləri iştirak edir.

Nizam Nuriyev 




Baxış sayı: 38

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






17 Fevral 2020

16 02 2020