12px13px15px17px
Tarix:12/12/17

İnternet uşaqların ehtiyacına uyğunlaşdırılmayıb

İnternet uşaqlar üçün böyük imkanlar açır. Lakin dünyada oğlan və qızların 33%-i internetdən istifadə imkanına malik deyil. Bu haqda BMT-nin Uşaq Fondunun (YUNİSEF) hesabatında deyilir. Hesabatın müəllifləri rəqəmli məkanda uşaqların həyatını, yeni texnologiyaların üstünlüklərini, həmçinin təhlükələri araşdırıblar. Onların qənaətincə, internet platformaları uşaqların ehtiyacına uyğunlaşdırılmayıb, eyni zamanda hər üçüncü internet istifadəçisi məhz uşaqlardır.

"İnternet böyüklər üçün hazırlanmışdı, amma indi daha çox uşaq və gənclər internetdən istifadə edirlər. Rəqəmli texnologiyalar onların həyatına və gələcəyinə çox böyük təsir edir. Bu baxımdan rəqəmli dünyanın inkişafı zamanı uşaqların ehtiyacını, onların təsəvvürünü və fikrini nəzərə almaq lazımdır" –  YUNİSEF-in icraçı direktoru Entoni Leyk deyib.

"ICTnews" Elektron Xəbər Xidməti "un.org" saytına istinadən yazır ki, indi hər üçüncü internet istifadəçisi uşaqlardır. İnternetdə öz vaxtının böyük hissəsini keçirən uşaqların sayı artmaqdadır. Onlar internetdə biliklərə yiyələnir, oyun oynayır və bir-biri ilə ünsiyyət saxlayırlar.

Amma indiyədək internetə çıxış bir çoxları üçün əlçatmaz olaraq qalır. Hazırda dünyada 346 milyon uşağın internetə çıxış imkanı yoxdur. Afrikada 5 uşaqdan 3-nün, Avropada isə 25-dən yalnız 1-nin internetə çıxışı yoxdur. Bundan başqa, internetdə yerləşdirilmiş məzmunun 56%-i ingilis dilindədir.

Hesabatda yalnız rəqəmli texnologiyaların uşaqların rifahına təsiri barədə deyil, həm də güclənən rəqəmli "asılılıq" və ekran qarşısında keçirilən vaxtın beynin inkişafına mümkün təsiri haqda informasiya öz əksini tapıb.

Hesabat müəllifləri internetin fərdi informasiyaya çıxışı təmin etdiyi barədə xəbərdarlıq edirlər. Yeni texnologiyalar uşaqların istismarı və onlar üzərində təhqiredici hərəkətlərlə bağlı materialların yaradılması və yayılmasını asanlaşdırır. Bir çox uşaq internetdə təhqirlərin qurbanı olur. Mobil telefonların yaradılması valideynlərin internetdə uşaqların davranışına nəzarətini çətinləşdirir.

Emil Hüseynov




Baxış sayı: 227

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






20 Fevral 2019

19 02 2019

19/02/19
Bankların əksəriyyəti haker hücumları qarşısında dayanıqsızdır

İnformasiya təhlükəsizliyinin təmini üzrə ixtisaslaşmış “Group-IB” şirkətinin məlumatına görə, əksər 

19/02/19
Məlumat saxlama sistemlərinin ümumi tutumu iki dəfə artacaq

“IDC” analitik şirkəti 2023-cü ilədək dünyada quraşdırılan məlumat saxlama sistemlərinin ümumi 

19/02/19
Prezident İlham Əliyev Avropa Komissiyasının Hərəkətlilik və Nəqliyyat üzrə Baş Direktorluğunun rəhbərini qəbul edib

Azərbaycan Respublikasının Prezidenti İlham Əliyev fevralın 19-da Avropa Komissiyasının Hərəkətlilik və Nəqliyyat 

19/02/19
Çin kosmosda günəş elektrostansiyası tikəcək

Çin Kosmik Texnologiyalar Akademiyası kosmosda günəş enerjisi toplayaraq onu Yer kürəsinə 

19/02/19
Kənar enerji mənbəyi olmadan işləyən süni intellekt sisteminə malik videokamera yaradılıb

ABŞ-ın “Xnor” startapı "sonsuz" avtonom işləmə müddətinə malik süni intellekt sistemli simsiz videomüşahidə 

19/02/19
“Sharp” korporasiyası "robofon" təqdim edib

Yaponiyanın “Sharp” korporasiyası “RoBoHon” insanabənzər robot smartfonlar istehsal xəttinə 3 yeni 

19/02/19
Ödənişli “iOS” əlavələrindən pulsuz istifadə üçün boşluq aşkarlanıb

Hakerlərin “Apple” şirkətinin hazırladığı texnologiyaya müdaxiləsi nəticəsində istifadəçilər “iPhone