12px13px15px17px
Tarix:19/02/18

Britaniyada “3D” printerin köməyilə xəstənin döş qəfəsi bərpa edilib

Britaniyanın Suonsi şəhərində yerləşən Morrison xəstəxanasının həkimləri "3D" printerin köməyi ilə xəstənin döş qəfəsini bərpa ediblər. Xərçəng şişi səbəbindən 71 yaşlı Piter Meqqzin döş sümüyünün yarısı və üç qabırğasını kəsib tullamaq lazım gəlib.
 
"ICTnews" Elektron Xəbər Xidməti "lenta.ru" saytına istinadən yazır ki, bir qayda olaraq, cərrahlar belə hallarda əməliyyat zamanı protezi tibbi sementdən hazırlayırlar, amma "3D" çap texnologiyası titan ərintisindən implant düzəltməyə və əməliyyat vaxtını 2 saat azaltmağa imkan verib. Protezin düzəldilməsi zamanı Meqqzin döş qəfəsinin kompüter tomoqrafiyasından istifadə edilib. Bu, Britaniyada bu cür protezlərin çap edilməsi ilə bağlı ilk hallardan biridir.
 
Həkimlərin sözlərinə görə, 8 saat davam edən əməliyyat zamanı implant mükəmməl alınıb və onlar gələcəkdə də belə protezlərin tətbiqini planlaşdırırlar.
 
Emil Hüseynov




Baxış sayı: 351

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024