12px13px15px17px
Tarix:11/07/18

Telekommunikasiya şirkətləri “C-V2X” texnologiyasını dəstəkləməyə çağırır

"BMW", "Daimler" avtomobil istehsalçıları, "Deutsche Telekom" və "Ericsson" telekommunikasiya şirkətləri Avropa Komissiyasından internetə qoşulan avtomobillər üçün "Cellular Vehicle to Everything" (C-V2X) texnologiyasını dəstəkləməyə çağırır.

"ICTnews" Elektron Xəbər Xidməti "3DNews" resursuna istinadən yazır ki, onların fikrincə, bu, "5G" mobil rabitə şəbəkələrinin Avropa İttifaqı ərazisində qurulmasını sürətləndirəcək. Şirkət nümayəndələrinin sözlərinə görə, mobil şəbəkələr vasitəsilə avtomobillər və internetə qoşulmuş qurğular arasında məlumat mübadiləsinə imkan verən "C-V2X" texnologiyası "Wi-Fi" texnologiyası əsasında rəqib "ITS-G5" standartı (intellektual nəqliyyat sistemləri) ilə müqayisədə ən yaxşı variantdır.

Şirkətlərin komissiyaya ünvanladığı müraciətdə deyilir ki, "C-V2X" texnologiyası Avropanın avtomobil istehsalçılarının dünya bazarında rəqabətqabiliyyətliliyini möhkəmləndirəcək, "ITS-G5" isə, əksinə, avtomobil istehsalçılarının imkanlarını məhdudlaşdıracaq. "Adına baxmayaraq "ITS-G5" standartı "5G" texnologiyasına aid deyil və təkamül yolunda onunla uyğun gəlmir", - Avropa Komissiyasının prezidenti Jan-Klod Yunker və tənzimləyici orqanın digər rəsmi şəxslərinə ünvanlanan məktubda qeyd olunur.   

Müraciəti imzalayanlar sırasında, həmçinin, "Ford", "Huawei", "Intel", "Qualcomm", "Nokia", "SAIC Motor", "Samsung", "Savari", "PSA Groupe", "Telefonica" və "Vodafone" şirkətləri yer alıb.

Nizam Nuriyev





Baxış sayı: 192

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






18 Noyabr 2018

17 11 2018

17/11/18
“Huawei” 2020-ci ilə dünyada əsas smartfon istehsalçısı olmağı planlaşdırır

Çinin “Huawei Technologies” şirkəti 2020-ci ilədək dünyada smartfonların satış 

17/11/18
“Google Play”da kriptovalyuta cüzdanı kimi maskalanmış fırıldaqçı proqramlar aşkar edilib

“ESET” şirkətinin mütəxəssisləri “Google Play” proqramlar mağazasında kriptovalyuta 

17/11/18
Bütün “Android” qurğularının istifadəçiləri izləmənin qurbanı olublar

“Nightwatch Cybersecurity” şirkətinin mütəxəssisləri “Android” sistemi ilə işləyən qurğularda təhlükəli boşluq aşkar