12px13px15px17px
Tarix:07/05/19

“Buta Chess” turnirinin qalib komandası ilə görüş keçirilib

Vüqar Həşimov Şahmat Akademiyasının və “Buta Palace” kompleksinin təşkilatçılığı ilə keçirilən “Buta Chess” - təşkilatlararası şahmat turnirinin qalibi Nəqliyyat, Rabitə və Yüksək Texnologiyalar Nazirliyinin (NRYTN) komandası olub.

 

Bu münasibətlə NRYTN-də Vüqar Həşimov Şahmat Fondunun nümayəndələrinin iştirakı ilə komanda üzvləri Rauf Rzayev və Anar Rəsulovla görüş keçirilib.

 

Görüşdə Nəqliyyat, rabitə və yüksək texnologiyalar nazirinin müavini Elmir Vəlizadə bildirib ki, Nəqliyyat, Rabitə və Yüksək Texnologiyalar Nazirliyi tərəfindən şahmat oyununa xüsusi diqqət göstərilir. Təsadüfi deyil ki, bu oyun növü nazirliyin dəstəyi ilə ənənəvi olaraq keçirilən “Sağlamlıq” Respublika Spartakiadasına daxil edilən 8 idman növündən biridir.

 

Elmir Vəlizadə qeyd edib ki, şahmat kimi bir idman növündə nazirliyin komandasının qalib olması çox sevindiricidir.

 

Nazir müavini bu uğurun nazirliyin şahmat oynamağı bacaran əməkdaşları üçün stimul və nümunə olacağına ümid etdiyini söyləyib.

 

Elmir Vəlizadə çıxışının sonunda komanda üzvlərini təbrik edib, onlara uğurlarının davamlı olmasını arzulayıb.

 

NRYTN-in şöbə müdiri Rəşad Əzizov nazirliyin və onun qurumlarının əməkdaşlarının iştirakı ilə daxili şahmat turnirinin keçirilməsinin nəzərdə tutulduğunu diqqətə çatdırıb.

 

Mərhum şahmatçımız Vüqar Həşimovun qardaşı Sərxan Həşimov bildirib ki, Nəqliyyat, Rabitə və Yüksək Texnologiyalar Nazirliyinin komandası turnirdə uğurlu oyunu sayəsində 20 komanda arasında seçilə bilib.

 

O bu şahmat turnirinin ilk dəfə təşkil olunmasına baxmayaraq müvəffəqiyyətlə baş tutduğunu, böyük marağa səbəb olduğu üçün bundan sonra da keçiriləcəyini qeyd edib.

 

Vüqar Həşimov Şahmat Fondunun nümayəndəsi Sənan Şəfiyev turnir haqqında ətraflı məlumat verərək nazirliyin komandasının turnir boyunca ağıllı və stabil oyun nümayiş etdirdiyini bildirib.

 

Sonda komanda üzvləri çıxış edərək şahmat turnirini yüksək səviyyədə təşkil etdikləri üçün təşkilatçılara və nailiyyətlərinə dəyər verdiklərinə görə nazirliyin rəhbərliyinə minnətdarlıqlarını bildiriblər.

 

 

 

 





Baxış sayı: 18

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






21 Sentyabr 2019

20 09 2019

20/09/19
2020-ci ildə “5G”-smartfonların qlobal tədarükü 260 milyona yaxınlaşacaq

Tayvanın “Market Intelligence & Consulting Institute” şirkətinin analitiklərinin proqnozuna 

20/09/19
“LTE” şəbəkələrinə qoşulmaların sayı 5 milyarda yaxınlaşıb

Bu ilin ikinci rübündə “LTE” şəbəkələrinə 250 milyona yaxın yeni qoşulma qeydə alınıb, onların ümumi sayı isə 4,7 milyarda

20/09/19
Yapon alimləri ehtimala əsaslanan ilk kompüter təqdim ediblər

Yaponiyanın Toxoku və ABŞ-ın Perdyu universitetlərinin  mühəndisləri 

20/09/19
"Əsrin müqaviləsi"nin 25 illiyinə həsr olunmuş poçt markaları dövriyyəyə buraxılıb

Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “Azərmarka” MMC 

20/09/19
“Facebook” televizor vasitəsilə videoçat üçün qurğu təqdim edib

“Facebook” şirkəti televizordan “Messenger” və “WhatsApp” proqramları 

20/09/19
“KaiOS” platformalı mobil telefonların tədarükü 65 faiz artacaq

“Digitimes Research” tədqiqat şirkəti 2019-cu ildə “KaiOS” əməliyyat sisteminin idarəetməsi ilə işləyən 

20/09/19
“WannaCry” virusunun versiyaları durmadan artır

 “WannaCry” fırıldaqçı virusunun yayılmasından iki il ötməsinə baxmayaraq o aktiv olmaqla yanaşı

20/09/19
“Huawei Mate 30” smartfonu nümayiş olunub

Çinin “Huawei” şirkəti Münhendə keçirilən təqdimatda yeni qabaqcıl “Mate 30” smartfonunu nümayiş etdir