12px13px15px17px
Tarix:20/07/19

“Microsoft” 10 min müştərini kiberhücumlar haqqında xəbərdar edib

2018-ci ildə “Microsoft” təxminən 10 min müştəriyə onların kiberhücum təhlükəsi ilə üz-üzə olduğu və ya müxtəlif dövlətlər tərəfindən haker hücumlarına məruz qaldığı barədə məlumat verib. Bu haqda ABŞ korporasiyasının saytında məlumat verilib.
 
“ICTnews” Elektron Xəbər Xidməti “dailycomm.ru” saytına  istinadən yazır ki, bu hücumların təxminən 84%-i şirkət, 16%-i isə istifadəçilərin fərdi  hesablarına qarşı həyata keçirilib.
 
“Microsoft”un iddiasına görə, haker hücumları Rusiya, İran və Şimali Koreyadan həyata keçirilib. Korporasiya kiberməkanda təcavüzkar fəaliyyətə görə Rusiyanın “Yttrium” və “Strontium” (digər adları – “Fancy Bear”, “APT28”), İranın “Holmium” və “Mercury” və Şimali Koreyanın “Thallium” qruplarının məsuliyyət daşıdığını bildirib.
 
“Microsoft” korporasiyası partiya komitələri daxil olmaqla, federal və yerli siyasi dairələrə, həmçinin qeyri-hökumət və qeyri-kommersiya təşkilatlarına xidmət göstərən “AccountGuard” xidməti vasitəsilə təxmin edilən haker hücumları haqqında 781 xəbərdarlıq izləməyə müvəffəq olub.
 
Emil Hüseynov



Baxış sayı: 610

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






16 Avqust 2022

15 08 2022