12px13px15px17px
Tarix:01/04/20

Çox sayda yerli və beynəlxalq təşkilat koronavirus pandemiyası ilə mübarizəyə yönələn “virtual hackathon”a qatılır

Koronavirus pandemiyası ilə mübarizə məqsədilə texnoloji həlləri bir araya gətirmək üçün 9-12 aprel tarixlərində Nəqliyyat, Rabitə və Yüksək Texnologiyalar Nazirliyi, BMT-nin İnkişaf Proqramı və SUP.VC-nin təşkilatçılığı ilə keçiriləcək "virtual hackathon"a maraq artıb.
 
Artıq "hackathon"u dəstəkləyən tərəfdaşlar sırasına bir neçə yerli və beynəlxalq təşkilat, o cümlədən Azərbaycan Turizm Bürosu və Məlumat Hesablama Mərkəzi də qoşulub.
 
Turizm sənayesi iqtisadiyyatın koronakrizisdən ən çox ziyan çəkmiş sahələrindən biridir və hazırda həm yerli, həm dünya turizm sənayesində yeni innovativ, o cümlədən rəqəmsal həllərin meydana gəlməsi olduqca vacibdir. Ümumiyyətlə, koronavirusun təsirini maksimum dərəcədə azaltmaq üçün rəqəmsal keçidin sürətinin artırılması, ölkədə rəqəmsal və distant tətbiqlərin inkişaf etdirilməsi olduqca zəruridir.
 
Müvafiq "hackathon"da iştirak etmək üçün "www.hackcov19.com" saytında qeydiyyatdan keçmək və öz komandanız, ideyanız və həmin ideyanın yuxarıda sadalanan çətinlikləri necə aradan qaldıracağı haqda məlumatı təqdim etmək lazımdır.
 
Mentorlarla işləyərək siz həmin həll yollarını milli və beynəlxalq mütəxəssislərdən ibarət münsiflər heyətinə onlayn formada təqdim edəcəksiniz.
 
İdeyalarınız qiymətləndiriləcək və üstünlük, ən qısa zamanda həyata keçirilə biləcək ideyalara veriləcək. "Hackathon"un mükafat fondu 10 min ABŞ dollarıdır.
 
"Hackathon" necə keçiriləcək?

Tamamilə virtual şəkildə: ideya qəbulu haqda elandan tutmuş, seçim mərhələsi və prototiplərin sınanması və ideyaların həyata keçirilməsinə kimi.
 
Bəzi əsas çətinlikləri sizə təqdim edir və həll yolları tapmağa dəvət edirik. Lakin aşağıdakılarla kifayətlənməyin və koronavirusun törətdiyi fəsadları aradan qaldıran həllərinizi təklif etməkdən çəkinməyin:
 
1. Ən həssas və risk qrupunda olanlara dəstək

Texnologiya karantində olan və gününü evdə keçirən yaşlı, eyni zamanda əlilliyi olan şəxslərə necə dəstək ola bilər?

Evindən çıxmadan ərzaq və tibbi məhsullar alması üçün insanlara yardım edən ideya təklif edə bilərsiniz. Könüllülərin sorğular üzrə qruplaşması və bu çətin vaxtlarda təhlükəsiz şəkildə digərlərinə kömək etməsini nizamlayan bir platforma buna nümunə ola bilər.

2. Texnologiya və səhiyyə

Texnologiya cari pandemiya zamanı ön sıralarda olan həkimlərə və tibb bacılarına necə kömək edə bilər? Erkən aşkarlamada texnologiya hansı rolu oynaya bilər?

Müraciətçiləri termal kameradan tutmuş, təmas izləməsi edəcək tətbiqlərə kimi, praktik ola biləcək hər cür texnoloji həllər təklif etməyə çağırırıq.

3. Kiçik və orta biznesə dəstək

Kiçik biznesə və qeyri-formal məşğulluq sahəsində çalışan işçilərə böhran dövründə işlərini davam etdirməkdə necə dəstək ola bilərik?

Karantin zamanı öncədən ödəniş xidməti, yaxud sistemləri, növbələri və biznes modellərində cari vəziyyətə görə uyğunlaşdırmaları tənzimləyən onlayn platforma ola bilər.

4. Fiziki məsafə və sosial əlaqə

Texnologiya sahəsində çalışanlar davam etməkdə olan sosial təcrid, informasiya və mənbələrə çıxışın olmaması, emosional və fiziki dəstək məsələləri ilə bağlı insanlara necə kömək edə bilərlər?

Həftələrlə və aylarla ola biləcək potensial səyahət məhdudiyyətləri, toplaşma yerlərinin və ölkə sərhədlərinin bağlanması, uçuşların dayandırılması kimi hallara hazır olmaqda və bunu qəbul etməkdə insanlara kömək edəcək həllər axtarışındayıq.

5. Məlumatlılığı artırmaq, müvafiq davranışı formalaşdırmaq və ictimaiyyətin rəyini nəzərə almaq

Məlumatın hər saniyədə dəyişdiyi bir zamanda, insanların lazımi təlimat və qaydalara əməl etmələri, eləcə də bu məlumatları yalnız rəsmi və etibarlı mənbələrdən aldıqlarına əmin olmaları getdikcə çətinləşir. Bəs biz təşvişə səbəb olmadan, ictimaiyyətin cari vəziyyət barədə məlumatlandırılmasını və prosesləri izləməsini təmin etmək üçün texnologiyadan daha necə istifadə edə bilərik?

6. Texnologiya və təhsil

Uşaqlar, tələbələr və əlilliyi olan şəxslər üçün onlayn dərslərin keçirilməsində, tədris vəsaitlərinin yüklənməsində və effektiv distant (məsafədən) öyrənmə prosesinin təşkilində texnologiyadan daha necə istifadə edilə bilər?

7. Texnologiya və mühəndislik

Hamını koronavirusu aşkarlamaq, qarşısını almaq və müalicə etmək üçün istifadə oluna biləcək istənilən ideyanı təklif etməyə dəvət edirik.

Həll yolları kimi infeksiya sensorları, gigiyena baxımından səmərəli yollar, asan hazırlanacaq maskalar və dezinfeksiya üsulları təklif edilə bilər.

8. Gündəlik həyatda texnologiya

Hansı texnologiya vasitələri insanların gündəlik həyatını minimal risklə asanlaşdıra bilər və onlara alış-verişlərini, təmizlik və digər gündəlik işlərini görmək imkanı yarada bilər?

Nəticə etibarilə, siz şahidi olduğunuz çətinlikləri də sadalaya bilərsiniz. Əgər siz və ya yaxınlarınız texnologiya vasitəsilə həll oluna biləcək çətinliklə üzləşirsinizsə, bununla bağlı ideyalarınızı təklif edə bilərsiniz.

 




Baxış sayı: 250

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






04 İyun 2020

04/06/20
“Chromium” mühərrikinə əsaslanan yeni “Microsoft Edge” brauzeri “Windows 10” istifadəçilərinə əlçatan olub

Hələ 2015-ci ildə təqdim edilmiş “Microsoft Edge” brauzeri uzun müddət “Internet Explorer”in yeni tərtiba

04/06/20
“Samsung Galaxy Note 20 Ultra” modelinin ilk fotoşəkilləri dərc edilib

“SM-N986U” model nömrəli “Samsung” smartfonu bu yaxınlarda “Bluetooth SIG” təşkilatında sertifikasiyada

03 06 2020

03/06/20
2020-ci ildə fərdi kompüter və planşetlərin qlobal tədarük həcmi 7% azalacaq

“Canalys”in analitiklərinin proqnozuna görə, 2020-ci ildə fərdi kompüter və planşetlərin qlobal tədarük h

03/06/20
“5G” dəstəkli “Honor” smartfonları təqdim olunub

“Honor” brendi Çində beşinci nəsil mobil rabitə şəbəkəsini (5G) dəstəkləyən “Honor Play 4” və

03/06/20
Dünya fərdi kompüter və planşetlər bazarında azalma gözlənilir

“Canalys” şirkəti bu il dünya fərdi kompüter və planşetlər bazarında kəskin azalmanı proqnozlaşdıraraq bu

03/06/20
“Facebook” köhnə nəşrləri "toplu" şəkildə silməyə imkan verib

“Facebook” sosial şəbəkəsi tərəfindən hazırlanmış alət vasitəsilə istifadəçilər öz hesablarından rəqəmli

03/06/20
“Android” üçün təhlükəli proqramlar aşkar edilib

“Google Play Store” internet mağazasında “Android” sistemi ilə işləyən qurğular üçün nəzərdə tutulmuş iki mob

03/06/20
Orta qiymət sinfinə məxsus ən güclü smartfonların reytinqi tərtib edilib

Mobil qurğuların məhsuldarlığını qiymətləndirmək üçün nəzərdə tutulmuş “AnTuTu” proqramının yaradıcıları

03/06/20
Şotlandiyada “Covid-19” testləri dronlar vasitəsilə çatdırılacaq

Şotlandiyanın Milli Səhiyyə Xidməti (NHS) və Böyük Britaniyanın “Skyports” şirkəti arasında pilotsuz uçan

03/06/20
“iOS” yeniləməsi “iPhone” və “iPad” qurğularını sıradan çıxarıb

“iPhone” və “iPad” qurğularının istifadəçiləri problemlərlə üzləşiblər.